നല്ല എഡിറ്റർമാരില്ലാത്തതാണ് പല കൃതികളുടെയും നിലവാരത്തകർച്ചയ്ക്ക് കാരണം; കെ എൽ എഫ് സംവാദം

കോഴിക്കോട് : (www.truevisionnews.com) നല്ല എഡിറ്റർമാരില്ലാത്തതാണ് പല കൃതികളുടെയും നിലവാരത്തകർച്ചയ്ക്ക് കാരണമെന്ന് എഴുത്തുകാർ. എട്ടാമത് കേരള ലിറ്ററേച്ചർ ഫെസ്റ്റിവലിന്റെ വേദിയിൽ 'ലോകസാഹിത്യത്തിൽ നമ്മൾ' എന്ന വിഷയത്തിൽ, മലയാള സാഹിത്യത്തിൽ നിന്നുമുള്ള കൃതികൾക്ക് ലോകസാഹിത്യമെന്ന നിലയിലേക്കുയരുവാൻ എത്രത്തോളം സാധിച്ചു എന്നതിനെക്കുറിച്ചുള്ള സംവാദം നടന്നു.

Also read: ഹിന്ദു സംഘടനാ നേതാവിനെ തട്ടിക്കൊണ്ട് പോയി അടിച്ചുകൊലപ്പെടുത്തി

സാഹിത്യ വിമർശകൻ രാഹുൽ രാധാകൃഷ്ണൻ മോഡറേറ്റ് ചെയ്ത ചർച്ചയിൽ പ്രശസ്ത ചെറുകഥാകൃത്തും നോവലിസ്റ്റുമായ ഇ സന്തോഷ്കുമാർ, വിവർത്തകയും എഴുത്തുകാരിയുമായ ഇ വി ഫാത്തിമ, എഴുത്തുകാരൻ എൻ ഇ സുധീർ എന്നിവർ സംസാരിച്ചു.

Also read: വടകരയിൽ കിണറ്റിൽ വീണ് അഞ്ചുവയസുകാരന് ദാരുണാന്ത്യം, കൂടെ വീണ മറ്റൊരു കുട്ടി അത്ഭുതകരമായി രക്ഷപ്പെട്ടു

പ്രാദേശിക ഭാഷയിലിറങ്ങുന്ന സാഹിത്യങ്ങൾ തനതു ചട്ടക്കൂടുകളെ പൊട്ടിച്ചെറിഞ്ഞ് മറ്റു ഭാഷയിലുള്ളവരാൽ വായിക്കപ്പെടുന്നതിൽ പരിഭാഷയ്ക്കുള്ള പ്രാധാന്യത്തെക്കുറിച്ച് ഇ വി ഫാത്തിമ ഓർമിപ്പിച്ചു.

എന്നാൽ അവിടെയും വള്ളത്തോൾ, കുമാരനാശാൻ പോലുള്ള മഹാകവികളുടെ കൃതികൾ പരിഭാഷചെയ്യുന്നതിലുള്ള പരിമിതിയേക്കുറിച്ചും വിവർത്തനം ചെയ്താലും രണ്ടു ഭാഷകൾ തമ്മിലുള്ള സാംസ്കാരിക-മൗലിക ഭിന്നതകളാൽ ആ കൃതി സ്വാഗതം ചെയ്യപ്പെടാതെ പോകുവാനുള്ള സാധ്യതയെക്കുറിച്ചും ഇ വി സന്തോഷ് അടയാൾപ്പെടുത്തി.

Also read: കോന്നി ആനക്കൂട്ടിൽ കോൺക്രീറ്റ് തൂൺ വീണ് നാല് വയസ്സുകാരൻ മരിച്ച സംഭവം; ജീവനക്കാർക്ക് സസ്‌പെൻഷൻ

മറ്റു ലോകോത്തര ഭാഷകളിൽ നിന്നുമുള്ള കൃതികൾ കേരളീയരാൽ വായിക്കപ്പെടുമ്പോൾ എന്തുകൊണ്ടായിരിക്കാം മലയാള സാഹിത്യത്തിനത്തതരമൊരു നിലവാരത്തിലേക്കുയരാൻ കഴിയാത്തതെന്നും നല്ല എഡിറ്റർമാരില്ലാത്തതാണ് പല കൃതികളുടെയും നിലവാരത്തകർച്ചയ്ക്കും കാരണമെന്നും സൂചിപ്പിച്ച ഇ ൻ സുധീറിന്റെ വാദത്തോട് മറ്റു ഭാഷകരും യോജിച്ചു.

#KeralaLiteratureFestival #Malayalam #WorldLiterature #Prospects #Limitations #KLF